गजल: जवानीम यहाँ ।

Advertisements

सन्देश दहित

भाैँरा लोहर्ठ फुलक जवानिम यहाँ
जसिक मडोर्या झुल्ठ भट्ठिम यहाँ

टुह उ सुनसान सरक के बाट कर्ठो
छाईन सुरक्षित निहुइटै प्याटिम यहाँ

सुक्खक जिन्गी जिठो हँस्टी रठो हुँ
के ड्याखल बा बट्ठा हाँसिम यहाँ?

पस्ना निक्रठ बल लग्ठ कर्रा घामम
मने, जिउ खढ्राइठ गरु छाँहिम यहाँ

टुहार मैयाँ आस्कल निबिल्गठ कटि
सन्डही, मैयाँ ट बा ढक्ढिउरिम यहाँ