@गणेश वर्तमान
वर्षा लाग लाग करटह!सक्कु ज बियार गिराइ लागल रलह!छोटु जुन्हुँक काठ्मन्डु लेबर कर जाक अइल निरलह!उहमार गोब्रैलक बौन्हँ छट्पटी हुइटलहिस्!
एकडिन बौन्हाँ गाउँ डुल निक्रल रह!टब किउ लाउर्ह्या कमा क आइअस ड्याखल!एकघनि स्वाँचल “के हो ना यि ?चिन्बो निकर्ठु जे!”उ मनैयाँ आकुर लग्गु अइलिस ट खिट्खिट्ट हाँसल व कहल
“छोटु टै हुइट्या काहुँ!मै ट चिन्बो निकर्टनहुँ!काठ्मन्डु जाक निचिन्जिना होरल्या!”
बौन्हँक बाट सुन्क छोटु कल”बड्ल ट परल डाजि सड्ड ओस्टक ओस्ट रह निहुइल!”
छोटुक बाट कट्टि बौन्हाँ ब्वालल्”आप टै मलिक्वा फे कह छोरडेल्या ना महि..उ बाट छोर सब्ज बियार गिरासेक्ल !हलि घर जा व बियार गिरिना सुरसार करस्!”
छोटु एकघनि चामचिम रल व कल”मै अढेर्वा रलसे पो अप्न मलिक्वा!जत्रा डुख कर्लसेफे कब्बु जिन्गि सुढार निसेक्जिना काम कर्कफे का काम ?मै ट पासपोर्ट बना सेक्नु !भिजा लगा सेक्नु दुबई जाइक ला!
