काठमाडौँ,२० बैशाख । प्रधानमन्त्री केपी शर्मा ओली देशवासीका नाममा सम्बोधन गर्दै कोरोनाको दोस्रो लहर नियन्त्रणका लागि विज्ञको सुझावअनुसार निषेधाज्ञा लागू गरिएको र यसलाई थप कडाइ गरिने बताए ।
उनले निषेधाज्ञाको पालना गरिदिन पनि नागरिकसँग आग्रह गरे । स्वास्थ्य मापदण्डको पालना गरेर र सावधानी अपनाएर नै महामारीविरुद्ध लड्न सकिने उनको भनाई छ । कोरोना सङ्क्रमणको पहिलो लहरमा अपनाइएको सावधानीका कारण महामारी फैलिन नपाएको र अहिले दोस्रो लहरमा पनि त्यस्तै सावधानी अपनाउन ओलीले जोड दिए ।
