मान बहादुर चौधरी, २३ बैशाख – कैलालीको गोदावरी नगरपालिकामा सक्रिय रुपमा कार्यरत पत्रकारहरुलाई मास्क तथा सेनिटाईजर वितरण गरिएको छ ।
नगरपालिकाको वडा नं. १० का वडाध्यक्ष रविन्द्र शाही (गुड्डु) ले महामारीको समयमा पनि समाचार संकलन गरिरहेका अत्तरिया क्षेत्रका पत्रकारहरुलाई मास्क तथा सेनिटाईजर वितरण गरेका हुन । उनले उक्त मास्क तथा सेनिटाईजर अत्तरिया खबरका प्रकाशक÷सम्पादक राजकुमार साउँदलाई हस्तान्तरण गरेका थिए ।
कोरोना महामारीको समयमा पनि नगरबासीलाई सत्य तथ्य सुचना सम्प्रेषण गरिरहेका पत्रकारहरुलाई आफ्नो तर्फबाट सानो सहयोग गरेको उनले बताए ।‘कोरोना महामारीको सन्त्रास जताततै छ, सबै घरभित्रै बसीरहेका छन’ उनले भने ‘तर यस्तो महामारीको बेला पनि नगरबासीलाई सुचना तथा समाचार सम्प्रेषण गरिरहेका पत्रकारहरुलाई मैले मेरो तर्फबाट सानो सहयोग गरेको हुँ ।’
उनले राज्यको चौथो अंग भएपनि यस्तो महामारीको बेलामा निरन्तर खटिरहेका पत्रकारहरुका लागी सरकारले केही गर्न नसकेको भन्दै गुनासो गरे । उनले आगामी दिनहरुमा पनि आफ्नो तर्फबाट हुन सकिने हरप्रकारको सहयोग पत्रकाहरुलाई गर्ने प्रतिबद्धता व्यक्त गरे ।वडाध्यक्ष गुड्डु निरन्तर रुपमा सामाजिक कार्यमा सहभागी हुदै आएका छन । उनले आफ्नो वडामा भएका अनाथहरुलाई पढाउनुका साथै आर्थिक अवस्था कमजोर भएका र उपचार गर्न नपाएका विरामी व्यक्तिहरुलाई पनि आर्थिक सहयोग गर्दे आएका छन ।
