जंग्रार साहित्यिक बखेरीको आयोजना र कैलारी पोष्टको सहकार्यमा थारू भाषी लघुकथा छेठौ श्रृंखला सम्पन्न भएको छ र सातौ श्रृंखलाको लागी लघुकथाको आह्वान गरिएको छ।
यो छेठौ श्रृंखलामा साहित्यकार गणेश बर्तमानको आवाजमा सात लघुखिस्सा आफ्नो आवाजमा सुनाउनु भयो । यस श्रृंखलामा १.”मिहनेट ” -अर्जुन चौधरी बार बर्दिया न.पा.-५बनघुस्रि बर्दिया २.”बिडेसि नोकरी” -प्रेम पुन मगर पोखरा (अनुबाड-गणेश वर्तमान)३.”सापट” -असिराम डंगौरा जोसिपुर-५ सिमराना कैलाली ४.”डाडु भाई” -कोकिला चौधरी कोहलपुर ,बाँके५.”खोँट्यक बिर्वा” -अनिल थारु ठाकुरबाबा न.पा.-७मोहनपुर बर्दिया ६.”संस्कार ” -कबिता काव्य कैलारि गा.पा.-५बैजपुर कैलाली ७.”बिग्रल सढ्वा” -डियर अबिरल खैरापुर १५ नं बर्दिया लघुकथा रहेको छ। यूट्यूब च्यानलहरु तिम्रो पर्दा, कैलारी टि.भि. निमाङ थारू मीडिया र गणेश बर्तमानको यूट्युबमा हरेक हप्ताको बिहीबार अपलोड हुनेछन भने यस कैलारी पोष्ट मार्फत उक्त थारू भाषी लघुकथालाई अक्षरमा पढ्न सकिनेछ।
यस श्रृंखलामा सहभागी हुनका लागी साहित्यकार गणेश बर्तमानको म्यासेन्जर तथा कैलारी पोष्टको म्यासेन्जर साथै ईमेल kailaripost@gmail.com र bartamanganesh@gmail.com मा लघुकथा पठाएर र ज़ूममार्फत महिनाको एक दिन प्रत्यक्ष सहभागी हून सक्नुहुनेछ। श्रृंखलामा बाचन गरिएका सबै लघुकथालाई पिदिएफ पुस्तकको रूप दिएर अनलाइन प्रकाशन गरिने कैलारी पोष्टका सम्पादक मोती रत्नले जानकारी गराउनु भएको छ। छेठौ श्रृंखला अन्तर्गतको लघुकथाहरु यस्तो छन।
डाडुभाइ
कोकिला चौधरी कोहलपुर
सिंहालु व जोखनुक घर फुट्लक बर्स डिनसे ढ्यार हो सेक्ल रलहन।अभिन्सम डाडुभैयक बोलिचाली निह्वायन। कबुकाल मुक्भ्याँर भ्याँट होओगिलसे ट्याँर ठुठुन लगालिहेंट बेन्से बोल्बो निकरँट।घर अल्गाइ बेर हुइलक झग्रक कारणसे रिसइल रलह डाडुभाइ। समय बिट्टी गइल ।बर्खा फे लग्ग आगिल ।गाउँक सक्कुज खेतिपाटिम भिर्ठ।जोखनुक गोसिन्या जुन्हुँक बर्का कर्रा बेराम पर जिठिन। तब जोखनु आपटम पर्ठ।गोसिन्यक स्याहार सुसार करुँ कि खेट्वम जाऊँ कना हुइठन।एक्ठो छावा रठन छुटिमुटी।ऊ लर्का मनै का करि। बेराम जन्निक पन्ज्र बइठ्क जोखनु मनमन सोँच्ठ-” घर फुट्ना ट बेक्कार जसिन लागल।भाइ घर जोगि घर कठ फुरसे हो।छुटिछुटी बाट कबुकाल कहिक काहा हो जिठा।सह पर्ठा।भाँरा भाँरा ट लर्ठा कलसे हम्र ट झस मनै हुइटी।टब बुड्ढि निपुगल।आब यक्कम रटि ट कौनोज खेट्वम कर्टी,ट कौनोज घर हेर्ने रटि।” सिंहालु जुन्हुँक लर्कापर्का,जन्नी व मन्जोर्या लेक टनिक डिनम धान लगाक खेट्वा सेक डर्ठ।आपन सेक्ख ,जोखनुक खेट्वा फे सक्कु धान लगाक निम्जाडेठ। ओ आपन भैयक घरद्वार सक्कु हेर्डेठ।सिंहालु। जोखनु जुन्हुँक आपन गोसिन्याह अस्पताल भर्ना कर्ल रठ।चुम्मर लग्ठिन ट पाछ घर लेक अइठ,सन्झ्या उहँर। ड्वासर डिन बिहान्ने उठ्क खेट्वम जब जइठ ट जोखनु ।खेट्वम ढान लगाइल डेख्ठ,ट कठ -” डाडुभाइ कलक डाडुभाइ हुइटी।जत्रा झग्रा हुइलसेफे ,रिस कर्लसेफे डुख बेराम परल ब्यालम हेरुइया ट डाडुभैया हुइट।” अत्रा कैक आपन ” डाडुक घर ” जइठ जोखनु।
संस्कार
कविता काब्य
कैलारि गा.पा.-५बैजपुर कैलाली
पुस महिना रहे ।ढुन्ढी कुहिरा लागके सक्कारे कुछु बिल्गट नै रहे ।सक्कर्ही डोकान गैनु ।चिनी, मरिच ओ चाहपत्ती किन्के नानटहुँ। कुहिरक मारे अपन आघे कुछ डेखट नै रहुँ।एक्फाले महिसे भट्भेर्नाहस गाउक दुई टिनठो भैयाहुक्रे भेट हुइलैँ ।उमेरले उइने भर्खर १४/१५बर्सक हुइहिँ ।चुरोटके ढुवा ँउरैती अइलै हुँक्रे। मै कनु”भैया टुहरे टे अभिन छुटि उमेरके बटो काहे असिक चुरोट पियटो ? चुरोट टुहनके शरीर हे कट्रा हानी करठ कना टुहिन पटा बा ? टुहन के सिखाइल ?असिक चुरोट पियटो। टुहनके डाइ बाबा ओ स्कुलके मस्टर्वा मस्तर्न्या एहे सिखैठैँ? ” मै ठनिक आँखरके बोल्नु ।खराब अम्मल कर्लेसे काका घाटा हुइठ टुहैनहे पटा बा ? पैसाले रोग किन्ना काम ना करो भैया असिक चुरोट पिबो टे मान सम्पति सक्कु घटी समाजमे केउ मजा नै मानी समयमे सोचो।अट्रा बाट कहेबेर मै ठनिक लरम बोली बोल्नु। उ बगालमका एक्ठो भैया वर सह्जेसे मोर प्रस्नक जवाफ डेहल “पुर्खा टे सिखैलैँ “। मै कनु “पुर्खा ओइने टे मजा बाट सिखैथैँ जे “।मोर बात निप्ते नै पाइल टे फेन से कहल उ ” पुर्खा ओइने बाट मजा सिखैठैँ ।स्कुलमे हम्रहिन पर्हुइया मस्तर्वा मस्टन्या फे मजा बाट सिखैठैँ मने अप्ने ज्या सिखैठैँ उ अपन ब्यवहारमे नै उटरठैँ। हमृहिन हेल्ठ सुब्जेक्त पर्हैना मस्टर्वा हर्डिन डारु पिके अपन जन्नी पिटठ्।पुरिया मुहेम लेके खोट्लाहा बोली निकार्के इङ्लिस पर्हैना मस्टर्वा पर्हाइ आइठ । चुरोट ना पिइस कठैँ मने स्वयं अप्ने पिटि रठैँ ।हम्रे अपन आँखिले ज्या देख्थी ओहे सिख्थी “ओकर बात सुन्के मै कौवाइल रैह्गिनु हुक्रे चुरोतके धुवाँ उरैटि ओट्ठेँसे गैगिलैँ ओ एक्के घचिक पाछे कुहिरामे हेरागिलैँ ।मै चुपचाप हुकनहे हेर्ती सोच्ती रैह्गिनु।
‘सापट”
असिराम डंगौरा जोशीपुर ५ सिमराना कैलाली
सुशील एकठो गरीब घरेक लर्का रहे। ऊ गाउँ स्कुलमे जैसिक टैसिक एस एल सी सम करठ। बाबा ज्याला मञ्जुरी करके घरचलैनाम सुशील हे ठप पर्हाई सेक्ना मनसायमे नाई रहिस। सुशीलके पर्हना इच्छा डेखके ओकर डाई कठिस छावा अपनहि काम करके पर्हले टोर बाबा धनगढी कमैठै टहु ओहरि काम खोज ओ पर्हिस। ‘पुहे लग्ना चिम्टन लग एकठो पाटिर डण्डी फे काफी रहठ” ठोरचे डाईक सपोट पाके ऊ अपन भविष्य बनाईक लग सहर जाईठ वहाँके क्याम्पसमे भर्ना हुईठ। अपन सहयोगी पनसे बहुट नाट नट्कुर बनाईठ।अपने सहयोग टो करठ मनो उल्टाके सहयोग कबु नाई पाईठ मनो नाटपाटनसे आस भर बहुट पाईठ। कहल हस कहाँ मिलठ सशील पहाईक खर्च कमाईक लग इन्डिया जाईठ वहाँ ओकर कमाही एकडमै मजा रठिस।ऊ इन्डियाक पैसासे अपन पर्हाई पुरा कर्ना सोच बनाईठ मनो घरे बाबा ओकर डाईहे टोर छावा पैसा नाई डेहठ कैहके खुब पिट्ना करठिस। पाछे सुशील सेकलसम घरे फे गोटगाट डेहठ। इन्डिया कमाईठ सुनके ओकर नाटपाट कबु महंगा समान कबु सापट पैसा मगैठिस सेकल सकहुनके माग पुरा करठ। सबकोई कठै नेपाल अईबे टो पूरा पैसा डेब। ओकर बिच सुशील अपन बाराक पर्हाई फे ओर्वाईल अईना जैना लागल रलिस मनो ओकर कोई नाटपाट सापट मागल पैसा न टो समानके पैसा डेहलिस जस्टेक ऊ पैसा मागल ओकर नाटपाट उहिसे डुर हुईटी आटिस अब टो यहा टक कि ओकर फोन फे नाई उठैठीस पाँच डस हजार कैके सक्कु जहनसे ओकर लाखसे ढेर लेना हुईहिस।उहि आझकल पैसाक बहुट जरूरट बा मनो अपन कहुईया आस डेखुईया नाटपाट ओकर डेहल पैसा टो डेहट नाई हुईस टो अपन ओरसे का डिहिस ? सचमे आझ सुशील बहुट डुखी बा उहिन पटा चलगिलिस ‘सापट” पैसा फट्हा बनाईठ सम्बन्ढ बिगारठ। मनै उहि डेखके नाई ओकर पैसा डेखके नाटपाट जोरल रहै।ऊ सकहुन अपन मानल उहि अपन कोई नि मानल। कैसिन समाज ओ यहाँक स्वार्ठी मनै रठै?।
मिहनेट
अर्जुन चौधरी बारबर्दिया नगरपालीका ५ बन्घुस्री बर्दिया।
” काम न डाम ई बुर्हुवाक दिनभर गाउंक सट्टरवान संग हरचली कैना किल काम रठिस । छेग्री भेरी ओस्टे भुंखासल बाटै कमसे कम डुईचार मुठ्ठा घांस काटके टो डारडेना हो” बरबरैटी ओमकारके डाई भन्सक भिट्टर भांरा खट्पटैटी रहे। यहर फेरुवा (ओमकारके बाबा) संघरयान साठे हरचली कैनम ठिक्के। जन्नीक बाट एक्को ओनाइ हस नाइ करे । ” आज टो सन्झ्याके बेरी नाइ मिली डाजु भौजी बराजोरसे रिसाईल बाटै” अस्टे कहिके संघरयान चलैटी रहैं फेरुवा हिन बिहानके कलुवा जुन उठे. एहोर ओहोर घुमेजाई , बिग्रल संघरयान साठे डारुजांर पिए , सडिमान रातीक १०/१२ बजे झुलट घरे आई रोज्जेक काम जो रहीस फेरुवाक। एकदिन रिसेक झोंके फेरुवाक जन्नी लैहर भागजीठिस ।बिहानके उठठ यहर ओहोर जन्नी हिन हेरठ डेख्बो नि करठ । ठौरहीं सन्ध्यार छेग्रहान काकी से पुंछट ” काकी ओमकारके डाई हिन डेख्लो ?” बिहान्ने मोर ठे आके कहट रहे मै लैहर जाईटु मदुवा उठी टो बटाडेहो माउं। फेरुवाक काकी कहलीस । जन्नी रहीस ट बरा रजवा हस करे अब टो छेग्री ,भेरी, चुल्हा, चौकी हेरे परटहिस। खेटीबारी ओर फे जाई लागल रहे । दिन बिटटी गैल एकडिन असौरम बैठल फेरुवा खट्या भांगटहे टब्बै टुप्लुकसे जन्नी आइगीलीस। घरेक डुवारसे पहिले जन्नीक नजर ठौरेक बारीमन पर्लीस । ओहर फेरुवा मुसुर मुसुर हंस्टीरहे । बारीमन टिना लटरम्मा फरल डेख्के फेरुवाक जन्नी हिन अचम्मा लग्लीस । झटर पटर करट फेरुवासे पुंछ ढारल ई काहो बड्डो मै औरेक घर टो नाई आईगीनु? टब्बै फेरुवा कहल” ई टो मिहनेटके प्रतिफल हो बड्डी मिहनेटके प्रतिफल”
खोट्यक बिर्वा !
अनिल थारु ठाकुरबाबा न.पा.-७मोहनपुर बर्दिया
गोल्राहान घर गाँउ भरीम सबसे जनगर घर। घर फे बरा मनै फे ढ्यारन रल्हक ओरसे खेटीपाटी, गुइंडाङ्गर, पशपह्यार फे ढ्यार रहल ओर से भन्सा फे बरानक रल्हन । घरक बर्का किसन्वा ( गंरढुर्या ) चलैना रीट ट अघट्टे से चल्टी अइलक होक । गाँउ म सब्से बनल ओ मिलल घर खेतीपाटी,अनाजपानी सक्कु बर्ह्या हुइल ओरसे ओ सक्कु डाडु भैयन किसन्वक सल्ला म नेङ्गना आपसम एकढिक्का होके घरक काम सबज बरा जंग्रार ओ हौस्यार हो कन कँरट । गाँउक मनै अट्रा मिलल घर देख क सबज मन मन भुट्भुँटाइट । घर बिगर्ना कलक चिब्ली चिब्लक बाट, खोट्या टिना, मिठ माठ,चट्नी, पुस्नी,कोल्काही कमाही ले ट हो। आँजर पाँजर गैगोट्यार, रानपरोस छोट छोट पर्यार हुइल झार छोट मीठ भन्सा खाँइट। आपन डु बिस ओ चार जन्हक भन्सा खलभल झ्वार के आघ टेल्लार, कोरु, चट्कार टिना टावन खाँइट डेखक ल्वाँभ लागन गोल्राहान घरक मनैन । किसन्वा किसनिन्या घर निरलक डिन पार्क झंस्याइन विस्याइन मिठ माठ खोट्या चट्नी रिझा रिझा चुप्प चुप्प आपन आपन पाला खाइ डट्ल । आज काहाल हुइट हुइट किसन्वा चाल पैठ । पैल्ह से न्वान ट्याल मिर्चा, बेसार हली ओराइंट डेखक किसन्वा ओ किसनिन्या सल्ला कर्ठ । सल घरक टर्नीनक १/ १ मैन्हक भन्सा कर्ना पाला लगाइल ओरसे । ठरिक डिन पाछ किसनिन्यक भन्सा कर्ना पाला अइठन किसन्वक सल्ला अन्सार आयोडिन न्वान बेल्सना ओरसे डु पोक्या न्वान ढर्ना एकठो पोक्यम लिठ्ठ न्वान और पुर्यम हेग्नी लग्ना बिर्वा मिलाइल सलघरक भन्सा करबेर लिठ्ठ न्वान बेल्सना ओ भन्सा औरैलसे छेरपट्टी लग्ना बिर्वा मिलाइल न्वान ढरडेना। लिठ्ठ न्वान नुकाडेना कर लग्ल, भाट भन्सा ओराक किसन्वा किसनिन्या खेट्वम चलजाँईट। जब मिन्ही जुन अइठ घर ट ४ कोन्टीक मनै पालीक पाल्या झारा कर जाइँट । ओसहक सक्कु कोन्टीक मनै एक अट्टवार सम पालीक पाला हेग्नी लग्लन रस रस घरक मनै विचार कर लग्ल घरक सझ्या टिना खैल से कुच्छु निहुइना खोट्या रिझाक खैटी कि छेरपट्टी सुरु टबसे उ घरम खोट्या रिझ रस रस छुट गैलन । घर फे पैल्हक जस्ट चल लग्लीन । किसन्वा मुस्की मर्टी कँहन इही कठ लठ्ठी फे नि टुट्ना ओ सप्वाँ फे मुना । हा .. हा ..
बिग्रल सढ्वा
डियर अबिरल खैरापुर १५ न. बर्दिया
धान लगाक गाउँम हर्डहवा खासेक्ल रहैं । डेस डुनियाँ उटरैना हस बड्री डेख पर । एक घचिक रहिक कब्लिक पट्या फर्नाहस पानी बर्सल । टबसे सिमसिम झरी लगाइहस् पानी अइटि रह । राजु, सुख्ला, फग्ना, मंगनु जुन घाँस खन्ढ्री घरम् पट्टि खेल्नाम मचल रल्ह । बर्खा खेटि ओराइल रहिन । चारु जे संग भ्याट हुइल बाट । ट्वार काट रै, हाली फका गडाहा, टुरुप मार रै । अस्ट अस्ट बोली अल्पट्र सुनमिल । पट्टि खेल्टिखेल्टी राजु कहठ आझ संन्झ्याक कान्छीक् होटल जिना हो यार । सब जहनक एक्क बोली हुइठा हुइठा जिना हो । एक घचिक रहिक बिल टिर्ना बात उठलिन । आझ सुख्ला कि फग्नुक पाल्या हुइटिन । अट्रहम फग्नु कहट मै ट कन्ठी घाल्क साढु बनसेकल् बाटुँ यार । सुख्ला–अरे यार मै फें ट पिए छोर रख्नु । मंगनु–टब्ट आब सब योजना खटम् । अट्रहम राजु बोलठ् अरे यार होटलिक कान्छीक् डर्सन निपाइल फें एक महिनासे ढ्यार होगिल । फग्नु बात खपक् डारट । आझकल ट आउर सुग्घुर होराखल काल्ह भखर डेख्नु मै । मंगनु बाट पकर डारठ् सुवर कहुँ गुह खाइ छोरी । टै साढु अगरबट्टि लेह गिल रहिस भठ्ठिम रै फग्ना बिग्रल साढु । हा हा हा….घाँस खन्ढ्री घर उज्रना हस हाँसिक ठिठ्ठा छुटट् ।
छोटि खिस्सा-बिडेसि नोक्रि
प्रेम पुन मगर
पोखरा
अनुबाड-गणेश वर्तमान
“रज्जोक काम ,कब जाइ घाम”नाहि यि सरकारि नोक्रि ट डिन कट्ना व काल ह रुक्ना डगरकेल होकि का?मै फे बिडेस जाक ढिउर कमिना स्वाँचल बाटुँ!”
सरकारि नोक्रि खैटि रलक आलोक सरके बाट सुन्क मै डङ् परटनहुँ!व जाट्टिक बाट बुझैना प्रयास कर्टि कहल रनहुँ!
“नाहि का कठि सर असिन पक्का नोक्रिफे छोर्ना हो?बिडेस जाक नढिउर रुप्या कसिक कमिबि हँ?कत्रा कर्रा परट!यिहाँसे कमिना कैख जा जाइठ्!उहाँ जाक हड्डि खियाई परट,रकट पस्ना बहाइ परट !टब बल्ल पटा चलट!का बिडेस गिलसे उमिर निघटि ट?निछोर्ना हो निछोर्ना हो,खैटि रलक नोक्रि!”
म्वार बाट हुँकहिन खै कसिन लग्लिन!कहल रलह!”बिडेस गिलक सक्कु मनै असहँक कठ!पटा बा महिहन!आपन बरोबर नाहुइस सोस्ठ सक्कु ज!”हुँकाहार बाट सुन्क आग बोल्नास मन निलागल!टब मनमन सोच्नु!नाहि हमा नेपालीनके डिमाग का हुइलक हो!असिन ?यि बिडेसि नोक्रि बनुइया कोन पापी हुइ!यडि यी नोक्रि निरहट ट मनै कर लाग्क हुइलसेफे आपन्न ड्यास म कुस फरिट!रस रस ड्यास खालि हुइलसे ड्यासक हालट निबिगरके क्याकर बिग्रि?
ना कटि आलोक सर यिहँर अइलक टिन सल्वा होस्याकल!आस फोन कर्ख कहटलह!
“टुँ ट कहल रलहो टब्बहेँय मैहे्यँ निमन्नु!सक्कुचाज खट्टम पर्नु!खैटि रलक नोक्रिमसेफे राजिनामा डेमर्नु!कम्पनी ट मज रोज्गिल रह!टर का कर्ना हो !छ मैन्हाँ काम सिख्ना लागल!वाकर पाछ यि ड्यासक अर्थतन्त्र म गिरावट आइल कैख काम निपैलकफे डेर सल्वा होगिल!वाकर पाछफे डानडान कमाहि हुइट कि कलक ट!लकडावनके कारण घर भिट्टर बैस परल बा!हालट झन् बिग्रटि जाइटा!आप ट घरफे कसिक जैना हो?”
