प्रबिन बौखही। सूदुर पञ्चिम प्रदेशके कैलारी गाउँपालिका ५नं.वडाके बैजपुर गाउँमे एक कार्यक्रममे आधुनिकिकरण कृषियन्त्र पावरटिलर व रिपर ५०% अनुदानमे स्थानिय किसान हुकन बितरण कैगिल बा।
कृषि ज्ञान केन्द्र कैलालीको आ.व.०७८/०७९ स्वीकृत योजना अनुसार प्रधानमन्त्रि आधुनिकीकरण परियोजना अन्तर्गत पावर टिलर बितरण आयोजक श्री सुर्य बाढीपिडित धान ब्लक संचालन समन्वय समिति कैलारी बैजपुर ओ शिखर मुख्यमन्त्रि कृषि बिकास कार्यक्रम समन्वय समिति बैजपुरके संयुत्त आयोजनामे यी आधुनिकिकरण कृषि यन्त्र आधा मुल्यमे किसान हुकन बितरण करल हो। कैलाली ज्ञान केन्द्र मुख्यमन्त्रि एकीकृत कृषि तथा पशु बिकाश कार्यक्रम अन्तर्गत ५०% अनुदानमे कृषियन्त्र पावरटिलर,रिपर बितरण कैगिल हो।
बितरण कार्यक्रमके बरका पहुना सुदुरपश्ञ्चिमके कृषि मन्त्रि माननीय बिनिता चौधरी, माननीय बिरमान चौधरी, कैलाली ज्ञान केन्द्रके प्रमुख खगेन्द्र शर्मा, कैलारी गाउँपालिका उपाध्यक्ष लक्ष्मि सत्गौवा थारु, सभाध्यक्ष परशु चौधरी गाउँके भुपु.सचिब लगायत मन्तब्य धारल रहित। कैलाली ज्ञान केन्द्रके प्रमुख “कृषिमे आधारित किसान हुकनहे ५०% अनुदानमे आधुनिकीकरण यन्त्रसे कम लागतमे धेर उत्पादन कर्ना उदेश्य लेके केन्द्र सरकार, प्रदेश सरकार स्थानिय सरकारके किसानहुकन लक्षित करके कृषियन्त्र बितरण कैजाईता। यी यन्त्रहे सदुपयोग कर्ना अप्ननके जिम्मेवारी हो कना बात प्रकाश पर्लै”। अस्तके माननीय बिरमान चौधरी फेन “केन्द्र सरकार ओ प्रदेश सरकारके उदेश्य कृषि उत्पादनमे बृद्वि ओैर कृषियन्त्र सम्बन्धि यन्त्र लगायत कृषि उपज उत्पादित बस्तु बाहर से नै लानके अपनहि उत्पादन कर्ना बाहर के भर परे पर्ना बाध्यता धिरे से मुक्त हुईबि।तबेक ओर से किसान हुकन हे आधा मोल मे ई पावर टिलर, रिपर बितरण हुईता । यकर संरक्षण करबि कना बात बटवैल।”
कार्यक्रमके बरका पहुना सुदुर पश्चिमके कृषि तथा भुमि ब्यबस्था मन्त्रि माननीय बिनिता चौधरी कहलै, “तीन तहके सरकार बन्नासे पहिले राज्यसे पाई पर्ना सुबिधा, सुचनासे बन्चित रहित। अब खुला समाबेशी तरिकासे प्रत्येक ब्यत्तिहे पाई पर्ना सुचना, सुबिधा, अधिकारके सवालमे सक्कुजे जानकारी भेटैठ। सरकारसे देगिल ५०% अनुदान कृषिमे आधुनिकीकरण करके कृषि उपजमे बृद्वि लागत कम ओैर किसानसे उत्पादित बस्तु संकलन कर्ना ब्यबस्था फेन करल बा। कृषक हुकनके सिंचाईके लग ठाउँ-ठाउँमे सोलारसिंचाई, मोटरपंम्प, इन्जिन, बीउ बिजन लगायत विभिन्न योजना लागू करल बा। साथे अगामी दिनमे (कुछ दिन)पाछे कृषकके लग खेत सम्म बिजुलि लाईन (सिंचाई)को लाईन बिस्तार कर्ना योजना हुई र कृषि मिटर फेन बितरण हुई । मन्त्रि आगे कहलै, “कृषक हुक्रे कृषि सम्बन्धि तमान दैविप्रकोप हुईठ (आईठ) जेकर सुरक्षाके लग अब कृषि बिमा करेक परल। सरकार कृषिके लग बिमा योजना ननले बा ओकर लग कृषकहुक्रे अग्रसर हुई परल कना बटवइलै। पावर टिलर, रिपर बितरण कार्यक्रमके सभाध्यक्ष, बरका पहुना, खास पहुना, पहुना गाउँके किसना हुकनके उपस्थितीमे कृषक हुकन २९ थान पावर टिलर व २ थान रिपर हस्तान्तरण करगिल हो। कार्यक्रम संचालन हरी नारायण चौधरी करल रहित।
