कैलारी पाेष्ट संवाददाता
धनगढी २७ जेठ । अत्याधिक गर्मी बह्रलपाछे कैलालीके लम्कीचुहा ओ गौरीगंगा नगरपालिकाके सामुदायिक तथा संस्थागत विद्यालयमे जेष्ठ २८ गतेसे असार १ गतेसम गर्मी विदा डेहल बा ।
अत्यधिक गर्मीके कारण जनजिवन कष्टकर बन्टी गैल कहटी नगरपालिका क्षेत्रभिटर सञ्चालित सक्कु सामुदायिक तथा संस्थागत विद्यालयमे जेष्ठ २८ गतेसे असार १ गतेसम बिदा डेहना निर्णय हुइल लम्कीचुहा नगरपालिकाके निमित्त प्रमुख प्रशासकीय अधिकृत माधव कुमार जैशी एक सूचना प्रकाशित करटी जानकारी डेलै ।
उ गर्मी बिदा बर्षा बिदासे कट्टी हुइना करके मिलैना नगरपालिकाके शिक्षा अधिकृत गौरीकान्त न्यौपाने बटैलै । ओस्टेक करके गौरीगंगा नगरपालिका यिहे जेठ २८ से ३० गतेसम गर्मी विदा डेले बा ।
