हसुलिया । कैलाली ओ कञ्चपुरके थारु समुदाय हर्षोल्लासके साथ अष्टिम्की असरैले बटै ।
बुधके रोज दिनभर निराहर ब्रत बैठके अष्टिम्की टिकल जेमे गाउँक भलमन्सा ओमप्रकाश चाैधरी ओ न्यू प्रशंसा क्लबके अध्यक्ष खिरक चाेटी काटके अष्टिम्कि सुरु हुईल रहे कलेसे विफेक विहान लडियामे अस्राके यी टिहुवार मनाइल थारु साहित्यकार तथा गायिका कविता काव्य बटैली ।
ब्रतालु जन्यवान ओ लवरियन दिनभर पानीफे नइखाके साँझपख घरके भित्ता ओ सामुदायिक भवनमे कोरल पौराणिक चित्रमे टिक्न अर्थात पूजा कैना रातभर काँन्हाके गीत गैना चलन रहल उहाँ बटैली ।
कैलाली जिल्लक कैलारी गाउँपालिका वार्ड नं. ५ बैजपुरमे सामुहिक रुपमे अष्टिम्कि असराईल बटा गिल बा। सभाहलसे निकरल ब्रतालु दिदी बहिनियन कटैनी लडियामे अष्टिम्कि असरैले बटै। बैजपुर गाउँसमाजके आयोजना ओ मन बहलैना बगालके सहकार्यमे सामुहिक अष्टिम्कि टिक्ना कार्यक्रम करगिल स्थानिय भलमन्सा ओमप्रकाश चाैधरी बटैलै।
टमान ठाउँमे सामुदायिक भवनमे सामुहिक अष्टिम्की टिक्ना कार्यक्रम आयोजना हुइल उहाँ बटैलै। यी बरसके अष्टिमकी ओराइलपाछे डिडीबहिनीय ओ भ्वाज हुइल चेलिनहन अग्रसानफे डेह जिना चलन उहाँ बटैलै ।
