सागर कुस्मी
धनगढी, १४ कुवाँर । थारु कल्याणकारिणी सभा कैलालीहे हँक्ना जिम्मा विरबहादुर चौधरी पैले बटैं । उहाँ १५३ मत लानके उ जिम्मा पाइल हुइँट । उहाँसे डबनि भिरुइया दिलबहादुर चौधरी १५० मत लन्लैं । इनेहन संगे सभापतिमे उम्मेदवार देशराम चौधरी २ मत किल टाने सेक्लैं ।
अस्टेक नन्हें उपसभापतिमे चुन्नीराम चौधरी १८७ मत ओ लक्ष्मण चौधरी १५६ मत नानके जिटल बटैं । तीनठो उपसभापति चाहल ओरसे एक जाने महिला सुस्मिता चौधरी पहिले निर्विरोध जिटसेक्ले बटैं । ओस्टेक उपसभापतिके उम्मेदवार बतासु चौधरी १३६ मत, मानबहादुर चौधरी २० मत आइल बटिन ।
सचिवके लाग बुधराम चौधरी १६० मत नानके जिटल बटंै । हँुकिनसे हरिकहुस्सा करुइया बसन्ती चौधरीके १४३ मत किल आइल । सहसचिवमे विनोद चौधरी १५२ मत लानके टिल बटैं । हुँकिनसे जुझुइया रतन चौधरीके १२८ मत किल आइल ।
ओस्टेक कैके कोषाध्यक्षके दिव्य प्रियासी १६१ मत लानके जिटल बटैं । हुँकिनसे जुझुइया सुनिता चौधरीके १३६ मत अइलिन ।
थारु कल्याणकारिणी सभा कैलालीके इहे कुवाँर ६ गते कैलारी गाउँपालिकाके हसुलियामे नवौं जिल्ला अधिवेशन हुइल रहे । उ रोज उदघाटन कार्यक्रम ओ बन्दशत्र करेबेर रात ११ बजल ओरसे चुनाव कुवाँर १३ गते सारगैल रहे ।
इहे अधिवेशनसे जिटुइया सक्कु पदाधिकारी, केन्द्रिय पार्षद, ओ सल्लाहकार सक्कुहुनहे सफलताके कामना करटि अइना डिनमे हिरगरसे लागके काम कैना थारु कल्याणकारिणी सभा कैलाली जिल्ला कार्यसमिति जनैले बा ।
