धनगढी,कुँवार १५। टिन डिन धान नै कट्हाे कैके धनगढी उपमहानगरपालिकाले नगरवासिनहे आग्रह करले बा। वस्टके कृषि विकास निर्देशनालय डोटी फेन अपिल करले बा।
नेपाल सरकार ऊर्जा, जलस्रोत तथा सिंचाइ मन्त्रालय जल तथा मौसम विज्ञान विभाग मौसम पूर्वानुमान महाशाखासे जारी सूचना अनुसार सुदुरपश्चिम प्रदेशम आशिंकसे सामान्य बडरी लागके कुछ डिन पानी पर्ना संभावना रहल वरसे टुरुन्टे धान नै कट्ना निर्देशनालयसे किसाननहे आग्रह करल हाे ।
आज (सोम्मार) से बुधक (कुवाँर १७ गटे) सम धान नै कट्ना नगरवासीनहे उपमहानगरपालिका आग्रह करल हो। १७ गटे बुढसम् पानी परे सेक्ना सम्भावना डेखलमे नगरभित्रक कृषकहुँकन सचेत व सजग रहना फेन आग्रह करले बा ।
सँगे काटल धानवाली भित्र्याईक लाग व खेटुवम रहल धानबाली टुरुन्टे नै कट्हाे कैके नगरवासीनहे अनुरोध करले बा। स्थानीय आपतकालिन कार्य सञ्चालन केन्द्र धनगढील पाकल धानबाली जोगाईक लाग टुरुन्टे नै काट्ना आग्रह करल बा।
