अनिल थारु ठाकुरबाबा, नगरपालिका-७, बर्दिया
डिन बडल्ल जुग बडल्गैल, हेर्टि-हेर्टि सब चीज मुन गैलस ।
अट्रा चैनार महटान अंगना, आज आँखिक आघ सुन होगैलस ।
अट्रा चम्पन बिचारी संस्कृटि, बचाऊ कटी चारो ओर चिल्लैटी,
हेर्टि-हेर्टि नोचिक नोचामे, लेउ हेरो आज रुइन-छुन होगैलस।
बुट-बुट रह संस्कृटिक डिया, बाटी उस्काडेना मनै नि जुहाडेल,
आनक ढरम लेक, सक्कु डिउटा माटन कुल्लोम पुन गैलस।
चुकी खैना रीट ट हेरा चुकल, आज काल्हिक मनैनके हेरो,
पिक्नीक-पार्टी खाई लग्ल, जाँरक झोर सक्कु चुन गैलस।
अघट्यक मनै पो अनाज खाइट गोचाली, रहिट बल्गर सबजे,
आज काल्हिक मनै हेरो माटि खाइ लग्ल, बल सब घुन गैलस।
