अमौरी ३ भाडो। थारु भाषा, कला, संस्कृति ओ साहित्यिक प्रशिक्षण संगे थारु साहित्य सृजना वाचन कार्यक्रम अमौरीमे सब्य ओ भब्यटाके साथ ओराइल बा ।
थारु भाषा, कला, संस्कृति, साहित्य संरक्षण-प्रबर्द्धन ओ बिकृटी, कुसंस्कारहिन न्यूनीकरण कर्ना उद्देश्यले यी कार्यक्रम हुईल मनके आवाज संचालक समिती परिवार, नेपालके अध्यक्ष सुरज चौधरी “अखेल” बटैलै । यस्टके थारु भाषाके पाठ्यक्रम जानकी गाउँपलिका अन्तरगटके विद्यालयमे प्राथमिक तहमे लागु करक परल कहटि आयोजकसे ५ न. वडा अध्यक्ष खेम बहादुर चौधरी मार्फट जानकी गाउँपालिकाहे ज्ञापन पत्र फेन बुझागिल बा।
यस्टके कार्यक्रममे थारु भाषा कला , संस्कृति, साहित्य संरक्षण-प्रबर्द्धन कर्नामे सहयोग करल कहटि ५ न. वडा अध्यक्ष ओ बर्का पाहुना भिम बहादुर चौधरी, कार्यक्रमके बिसेस पहुना ओ साहित्यकार प्रशिक्षक मोती रत्न’, हाँस्य कलाकार सत्यनारायण फेत्तारा, साहित्यकार अंकर अन्जान सहयात्री, गायिका तथा साहित्यकार कविता काब्य, साहित्यकार तुलाराम सनम, साहित्यकार जयप्रकाश दहित, साहित्यकार अर्जुन चौधरी,’अल्लु अर्जुन’ लगायट साहित्यकार हुँकन सम्मान करगिलस कलेसे दर्जनौं धेउर साहित्यकारहुँक्रे गज़लओ मुक्तक वाचन करल रहिट। कलेसे साँहिजुन थारु गज़ल ओ मुक्टकके प्रशिक्षण साहित्यकार निर्मल “अन्जान सहयात्री” के घरक कोन्टीमे मनके आवाज फेसबुकमेसे लाइभ प्रशारण हुइल रहे जेमे प्रशिक्षण साहित्यकार, बिसेस पहुना ओ प्रशिक्षक मोती रत्न करले रहिट।
अस्टके यी कार्यक्रम बिसेस कर्के लावा व पुरान साहित्यकारहुकनके मैगर सम्बन्ध बनैना, अन्तरक्रियाके निस्कर्षमे आइलअनुसार साहित्यिक पैला आघे बर्हैना, संयुक्त ग़ज़ल, मुक्तक छपाईके लाग लेख, रचना संकलन करना, लावा व पुरान साहित्यकारहुकनहे सम्मान करना व थारू साहित्यहे उचाईमे लन्ना फेन उद्देश्य रहल बात मनके आवाज कार्यक्रम संचालक महेश “टोहार प्यारा” जानकारी करैले।
मनके आवाज संचालक समिती परिवारके आयोजना, सह-आयोजक अमृत युवा क्लब, अमौरी ओ जानकी गाउँपालिका वडा नं.-५, वडा कार्यालय अमौरीके सहयोगमे यहे भाडो २ गते उक्त कार्यक्रम ओराइल हो । जम्ने मिडिया पाटनर कैलारी टिभी, एक पर्गा, तिम्रो पर्दा, कैलाली पोष्ट डट कम, सित्तर फुलरिया, थारु साहित्यिक यात्रा, बिग्रल थारु मिडिया, बिएस फिल्मस् रहल रहे । कार्यक्रममे दाङ, बाँके, बर्दिया, कैलाली, कन्चनपुरके दर्जनौं धेउर साहित्यकारहुँक्रे उपस्थिट रहिट । सुरेस दुर्भाग्य स्टुडेन्टके स्वागट मन्तब्य डेहल कार्यक्रममे राजु सरगम कार्यक्रमके बारेम जानकारी डेले रहिट कलेसे महेश तोहन प्यारा ओ घोराघोरिक छैली कार्यक्रम सञ्चालन करले रहिट ।
