सोम, राजापुर
एक से दुई
दुई से तीन
तीन से चार हुइली
टठ्या एक्कठो रह
खट्या एक्कठो रह
उहिँका फे काट्क बाँट्डेलो ।
ना ट टठ्यम टिना भाट खाइ बनल्
ना ट खट्यम सुट मिलल्
लगाइबेर सर्वहारा, कमैयक नारा
अग्वाटबेर सब आपनओंर फारा ।
फार पिटक लाग
घर जराक कुइला जुटाई चहठो ।
का यिह हो टुहाँर न्याय ?
का यिह हो टुहाँर विकास ?
का यिह हो टुहाँर लोकतन्त्र ?
का यिह हो टुहाँर माकर््सवाद, लेनिनवाद ?
का यिह हो टुहाँर साम्यवाद
का यिह हो टुहाँर समाजवाद ?
बोल्ना समाजवाद, साम्यवाद
कर्ना सामन्तवाद ?
समाजवाद,
लोकतन्त्र,
विधिक शासन
व विकास हुइक लाग ट
टठ्या किन्ना पैसा कमाई सिखाऊ
खट्या बनैना सिप सिखाऊ
व मिलमिलक बैठ सिखाऊ
टब कहम
टुँ साम्यवाद व समाजवादक वाहक हुइटो ।
