Screenshot_20230906-205711_Facebook

सागर कुस्मी
धनगढी, २० भाडो । थारु समुदायके टिहुवार अस्टिम्कीके मौकामे घैला फोर खेल उसरल बा । यी खेल थारु विद्यार्थी समाज कैलाली बहुमुखी क्याम्पस समितिके आयोजनामे थारु छात्रबास धनगढीमे हुइल रहे ।

घैला फोर खेलमे जम्मा २६ जाने भाग लेले रहिंट । जेम्नेसे स्ववियु सदस्य, थाविस केएमसी कमिटि अध्यक्ष लोकेन्द्र चौधरी ओ सरोज डंगौरा घैला फोर्नामे सफल हुइल बटैं । उहाँ डुनु जाने नगद एक हजार पाँच रुपिया पुरस्कार जिट्ले बटैं । उ नगद पुरस्कार थाविसके केन्द्रीय उपाध्यक्ष ठाकुर करियाप्रधान ओ पत्रकार उन्नती चौधरी पुरस्कर सौंपलैं ।

थारु विद्यार्थी भैया बाबुनहे किताबी ज्ञानमे किल सिमित नैढारके बाहिरी ज्ञानफें सिखाइ परठ । खेलकुदमे रुचि जगैलेसे भैयाबाबुनके फें अपन जिनगीमे कुछ फरक प्रगती करेसेक्ठैं कना उद्देश्यसे यी घैला (मटका) फोर खेल संचालन करल बातचित घरके बरघर ठाकुरप्रसाद करियाप्रधान बटैलैं ।

कार्यक्रममे थाकस कैलालीके कार्यबाहक सभापति माधव चौधरी, बातचित घरके अनुगमन संयोजक इन्दु थारु, बातचित घरके अनधन संयोजक बसन्ती चौधरी सहभागी हुइल रहिंट । कार्यक्रमके ओरौनीमे मेरमेराइक थारु गीतबाँसमे नाँचगान फेन हुइल रहे ।

घैला फोर खेल थाविस केएमसी समितिके अध्यक्ष लोकेन्द्र चौधरीके अगुवाइमे हुइल खेल कार्यक्रम संचालन शिव कठरिया कैले रहिंट ।

जवाफ लेख्नुहोस्

तपाईँको इमेल ठेगाना प्रकाशित गरिने छैन। अनिवार्य फिल्डहरूमा * चिन्ह लगाइएको छ