मुना चौधरी
बिछ्यालछै पटिया ओसरामे
घरमे या बसघरामे
यी पटियासब मोथी या पटेरके चियै
परतानसे बुनने छै ।
झटुवासे बुनै छै तेकरा गोनैर कहै छै
कसमिरा सनसे बुनै छै तेकरा सपटा कहै छै
मोथी या पटेरसे बुनै छै तेकरा पटिया कहै छै
येकर नाम मात्रे नै छै फरक
काम सोहो छै फरक ।
ओसरा या बसघरामे मरमेजवानके
स्वागत करैले बिछाइ छै पटिया
घरके या बसघराके
खाट, पलङ, चौकी या भुइँयामे
सुतैले बिछाइछै पटिया या सपटा
भोजभतेरमे भोज खाइले
बैठैके लेल बिछाइछै
तेकरा कहै छै दरी
पटिया एक छै
लेकिन ओकर रूप या नाम छै अनेक।
हैछै सपटा बेसी बलगर
पटिया हैछै सपटासे कम बलगर
या गौनैर हैछै पटियोसे कमजोर ।
गोनैर झटुवासे बुनै छै
उसना, अरवा धान, गहौम
सुखाइले करैछै प्रयोग गोनैर ।
गोनैर, पटिया या सपटा
निर्जीव चिज चियै लेकिन
काम लागैछै सैबके
गोनैर पटिया या सपटासे
बैरहके नै छै कोनो बिछोना बैरहके ।
