Advertisements
हसुलिया, ८ चैत । कृषि उत्पादन तथा तरकारी ढुवानीका लागि गाउँपालिकालाई मिनि ट्रक हस्तान्तरण गरिएको छ ।
गाउँपालिका र कैलारी सहकारी संस्था लिमिटेडको साझेदारीमा खरिद गरिएको गाडी आइतबार एक कार्यक्रमका बिच गाउँपालिकालाई हस्तान्तरण गरेको हो । सहकारीका अध्यक्ष बतासु चौधरीले गाउँपालिकाका अध्यक्ष लाजुराम चौधरीलाई गाडीको चाबी हस्तान्तरण गरेका थिए ।
गाडी हस्तान्तरण कार्यक्रममा वडा नम्बर ६ का वडा अध्यक्ष प्रेम चौधरी, गाउँपालिकाका प्रमुख प्रशासकीय अधिकृत खगेन्द्रराज जोशी, कृषि शाखा प्रमुख दिपक खड्का, योजना शाखा प्रमुख सन्तोष कुमार चौधरी लगायतको सहभागिता रहेको थियो ।
