विक्रम विरहुल
बर्दिया भुरिगाउँ,
हम्र थारू नि हुईटी टानासाहि,
नि हुईटी हिटलर,
हम्र नि हुईटी अाटङ्ककारि,
नि हुईटी सिटलहर हम्र त सच्चा नेपाली हुईति
देश बचुईया रख्वालि हुईटी
यिहिनसेफे ज्याडा हम्र आड़ीवासि हुईटी
माटिके सन्टान धर्तिपुत्र हुईटी
हम्र थारू डेस भडुईया नि हुईटी
हम्र थारू डेस बनुईया हुईटी
हमन् पटाबा साेमालियाके हालट
हमन् पटाबा द्वन्दग्रस्ट ईराकके हालट
हम्र सचेट थारू हुईटी
हम्र सचेट नेपाली हुईटी
हम्र चुम्बकके विकर्षण धु्ब नि हुईटी
हम्र चुम्बकके अाकर्षण धु्र्ब हुईटी
हम्र ट नेपालके सन्नटी हुईटी
हिमालके शेर्पा हमार डाडु हाे,
पहारके पर्बत्या हमार भैया हाे,
तामाङ्सेलाे,मुन्धुम म हम्रफे नच्ठी
डाेटेलि थाराे भाकाम हम्रफे गाेरा चलैठी
अापन हुर्डुङ्ग्वा,सखियाम सक्कु जनहन बलैठी
हम्र त संस्कृटी प्रेमि थारू हुईटी
स्वाभिमानि नेपाली हुईटी
हम्र सिउँडिके रूख्वा नि हुईटी
फुलरियक एक्ठो सुग्घर फुला हुईटी
फुलक सुवास छर चाहठी
चखेवा जाेडि जस्ट उर चहठी
राजा व रानी जस्ट बन्क बैठ चहठी
अापन डाडु भैयन सङ् रमाई चहठी
हम्र रथ नि मङ्लक हाे
एक्ठो चक्का बन चहठी
हम्र डुस्मन नि हुईटी
संघरिया हुईटी
कन्ढम कन्ढा मिलाई चहठी
यी डेसके लाग विकास,समृद्विम हाठ बर्हाई चहठी
उहमार हम्र नेपाली हुईटी
सच्चा डेसभक्टी थारू हुईटी,
हम्र काेनाे डेस मङलक नि हाे
हम्र काेनाे भुभाग मङ्लक नि हाे
हम्र ट हमार पुर्खा बैठ्टी अैलक
रगत व पसिना चुहयिलक हमार बसाेबासह नि बिगारडेउ
हम्र एक बाटी एक हाेक रह चहठी
कैख थारूनके रिटी,टिठी मङ्लक हाे
हमार अावाज हमार माटिके अावाज हाे
हमार पहिचान हमार ढकढीउरा हाे
हमार ढकढीउरा हमार-थरूहट हाे।
