कार्तिक१५, कैलाली जिल्लाके कैलारी गाउँपालिका-५ बैजपुरमे थारु परम्परा अनुशार लवांगी पुजा मनागैल बा। लवांगि पुजा लावा धानबालि गाउँभरिक किसान जब काट्के सेक्ठै तब धानवालि अापन अापन खेरह्वा(खेन्हवा)मे धान लानके खरहि लगैठ।
लवागीमे लावा धानके कुछ दानाहे चाउर बनाके, टिना भात, हलुवा गाउँक डेउटन खेन्ह्वामे बख्खारी बनाके पुज्ठ।
गाउक भल्मन्साके अंङ्गना(खेन्ह्वा) मे धानके बोझा बहिंगाके दुनु पाँजर बाधके कन्धामे लेके भल्मन्सक खेन्हवा व घर घुमल रहित। असिक कर्लसे लावा धान बालि बर्ष भरिक खैनापिना मजासे पुगठ कना जन बिश्वास बा। लवांगी कर्लक दिन गाउक किसानहुक्रे १दिनके लग खेतिपाटि बन्द कर्ल रठै।लवागि पुजामे सगोल मे मिठ मिठ खानपिन करठै।जब साझके खा पिके सेक्ठ तब पकाईल भारा बर्टन ठठैटि,बजैटि भल्मन्साके खेन्हवामे सक्कुजे धान दैइटि थारु गित गैईटि राहरंगि करटी बिदा हुईठै। लवागि पुजा थारु समाजमे पहिले पुर्खनसे चल्टि आईल रित हो कहिके गाउक सचिब शुक्रराज चौधरी बटैल।
लवांगी पुजा अन्धरियामे किल करजाइठ कहिके गाउक डेशबधिया भैया राम चौधरी केसौका दिल बहादुर चौधरी बटैल। गाउँक सक्कु ११६ घरधरि साथ सहयोग करल रहित। सगोलमे राहरंगी कर्टी भल्मन्साके खेर्ह्नवासे सब कोई बिदाबारी हुइठ।
