“@गणेश वर्तमान
सम्झना बरे स्वाझ लौर्या रलहि!हुकाहार डाईबाबनके छुटापत्र हुइल पाछ बहुट ढिउर मैयाँ कर्ख हुकाहार बाबा पालल रलहिन! हुकाहार जिन्गिम डाईक अभाउ बाहेक औ र कुछ्छु डुख निरलहिन!बिहान क उठ्के होमवर्क कर्ना जुन हुइ लसे स्कुल जिना स्कुलसे अइ लसे आपन सङ्घर्यन के ठे ख्या ल जिना हुकाहार सड्डक काम होस्याकल रलहिन!”सम्झना मै टुहिन बहुट मैयाँ कर्ठु “कैख जब स्कुल जाइबेर लोटाहान सन्जे कहल टब बल्ल आपनहन बठिन्या हुइलक पटा पइलि!हुइनाफे हो ट उ बाह्र कलास म पहर्ना होस्याकल रलहि!सन्जेक बाटम डुइचार डिन सम खोब बुर्ल रलि टब एकडिन”सन्जे मै फे टुहिन मैयाँ कर्ठु “हाफछुट्टि म आमक बग्य उहाँ डुअ ज रहल ब्याला कैडेलि!टब्से हुँकनक नुक नुक भ्याँट कर्ना,हप्टम टिन्चो भुरिगाउँ जिना कामफे बहरके अइलिन!”सन्जे आप हम्र कठ्याक डिनसम असिक घुम्बि आप भ्वाज करि!””अत्रा ढ्यार डिन सट्टर जाहिनसे सुट्टि नेङ्ल्या भ्वाज कर्ना ब्याला म्वारठे अइल्या!”सन्जे हुइलक निहुइलक आरोप लगा डिहल सम्झना ह! बिचारि सम्झनाफे का कह सेक्टि ओहिहन!घर जा क खोब रुइलि!आपन बाबफे जनाइ निसेक्लि उ बाट!एकडिन राट क नौ बजे सम्झनक मोबाइल म फोन अइलिन!”सम्झना मै गोबिन्ड हुइटुँ सन्जे टुहिन ओसिक कर्के छ्वारल महि मजासे पटा बा!सम्झना मै टुहाँर डुखम साठ डिह चहठु!” न लम्मा बाट बट्वाइल!बिस्वास निकरम कटि कटि ओहिफे बिस्वास करडर्लि सम्झना!पाछ पटा चल्लिन सन्जे व गोबिन्ड ट सङ्घर्या सङ्घर्या हुइ ट कैख!करट करट सम्झना फेसबुक म भाइरल होगिलि व हुकाहाँर नम्मरफे!आप साँस फ्यारबेरफे साँसट लग्ना अबस्ठा आगिल रलहिन हुकाहार!एकडिन भुरिगाउँ जाइ लग्लि ट लौरन स्याउँस्याउँ स्याउँस्याउँ हुकाहार आगपाछ क र लग्लिन!टब और डिन अन्ढार हुइ भिरल ब्याला ठाकुड्वारक बन्वम सन्जे डेख्परल व एक्ठो लौर्याफे!”डिडि महिफे बैसाउ ना “कहल सन्जे !बिन्बोल्ल बैस कहल!”डिडि अप्नक नाउँ का परल ट””कुइलि””आस्कालफे असिन एक निसुघ्घुर नाउँ ढरठुहिँ ट”सन्जे अत्रा का ब्वालल रह!उ लौर्या आपन हाँठमक चक्कुले सन्जेक भुँर फोर्टि कहटलहि!”मनै मन ले क मजा हुइना हो न कि नाउँ ले क,मै सम्झना व कुइलि म कुस फरक बाटु का?
