सागर कुश्मी `संगत´
ना टे निन परठ
ना टे भुख लागठ
ना टे मनमे चयन हो
ना टे खैले खा जाइठ
ना टे आछट पाटीसे निक हुइठ
ना टे डाक्टरके डवाइ लागठ ।
आँस पोंछटी
डिन बिटल
अँठवार बिटल
महिना बिटल
पुरा साल बिटल
टब्बो पर
नैआइल मनमे उमंग
नैछाइल तनमे रंग
छावक् अस्रे अस्रामे ।
कसिक कहुँ मै
अपन मनके बाट
किहि सुनाउँ मै
अपन डिलके बेडना
किहि पुकारुँ मै
किहिसे मद्दत माँगु
मै आझ ।
आझ मोर छावक्
पहिचान खोज्लक
कैयो बरस होगैल
कसिक जिएटा
का खाइटा
का लगाइटा
किहिसे बट्वाइटा
कसिक बिटाइटा बन्डी जीवन
कारागार भित्तर ।
आँखिक् आँस सुखागैल
मनके उमंग हेरागैल
डिलके चयन लुट्गैल
मोर पहिचान मेट्गैल
मोर डेंहँक् सारा खुन सुखागैल
टीकापुर समझके
चरचरैटी बा हरडम
मोर छाटिक् खट्रा ।
मोर छाटिक् खट्रा ।
