माेती रत्न, हसुलिया, ३ पुस । कैलारी गाउँपालिका अध्यक्ष कपमे भाग लेहक लाग गैईल सनिच्चर से वडा नम्बर ५ मे वडास्तरीय टिम छनौटके प्रतियोगिता सुरु हुइल रहे ।
कार्यक्रमके घरगोसिया राम बहादुर चौधरी, प्रमुख पहुना वडा सदस्य अनारकलि चौधरी पहुना परियार, मान बहादुर चौधरी, खास पहुना पबेरा सामुदायिक बन के अध्यक्ष श्री छेदु राम चौधरी,५ नं.वडा स्तरिय राजनैतिक दल नेपाली काँग्रेस तर्फ प्रेम चौधरी,नेकपा माओवादी केन्द्रके प्रदेश सचिवालय सदस्य परशु राम चौधरी(मिसन) पहुना बिद्धीजिवि सिताराम चौधरी, वडा स्तरिय सक्कु गाउक भल्मन्सा रहल रहीत । जुनेली यूवा क्लवके आयोजनामे प्रतियोगितामे फुटवल, भलिवल ओ व्याडमिन्टन खेल हुइल हो ।
कैलारी गाउँपालिका वडा नम्बर ५ जुनेली युवा क्लब सड्कपुरके भलमन्सा तथा खेलखुद संयोजक श्री राम बहादुर चौधरी ज्यु समापनके घरगोसिया “उहाँ कहलै खेलाडी देशके गहना हुईटै राज्यसे खेलकुद क्षेत्रमे लगानी बह्रैना आवश्यक बा “।
बुद्धिजिवि सिताराम चाैधरी यि अबसर नै पाके मजा खेलारी फेन अपनठन रहल प्रतिभा देखैना मौकासे बन्चित हुई पर्ना बाध्यता सृजना रहे मने अब उ दिन नैहो ? अब हमारे टोल गाउमेे रहल मजा खेलारी उत्पादन कर्ना ओ मजा खेलारीन हे वडासे छनौट करके आगामी दिनमे पालिका मे हुईना मेयरकप लगायत ओ अन्य ठाँम मे फेन यि छनौट हुईल स्मार्ट टिम मजा खेल खेली कना बिश्वास लेहलैं।
वडा स्तरीय छनौट प्रतियोगिताके उदघाटन खेल मंसिर ३० गते से शुरु हुके पुस ३ गते निम्जल बा । आज हुईल फाईनल खेल फुटबल तर्फ मे सड्कपुर के जुनेली युवा क्लब ओ न्यु प्रशंसा क्लव बैजपुर बिच हुई महाभिडन्तमे बैजपुर के खेलारी श्री निर्मल चौधरी खेलके शुरुवाती चरण के १२ओैं मिनेट मे सड्कपुर हे १ गोल मारके अपन टिमहे आघे बह्रैले रहित। खेल दुनु पक्षसे एकदम घमासान रोचक रहे । जुनेली क्लब सड्कपुर खेलके अन्तिम समय तक गोल उतारे नैसेकल । सड्कपुर हे बैजपुर शुन्यके बिरुद् एक गोल से फुटबल ओर पहिला स्थान लेना सफल हुइल बा । अस्तक भलिबल फाईनलमे जुनेली युवा क्लब सडकपुर ओ न्यु प्रशंसा युवा क्लब बैजपुर बिच हुईल बेष्टअप थ्रीमे बैजपुर पहिला ओ दुस्रा दुनु सेट अपन पक्षमे पर्ना सफल हुईल बा । ब्याटमिन्टन ओर फाईनल खेल गोबरैला ओ बैजपुर बिच हुईलमे गोबरैला पहिला हुइल कलसे बैजपुर दुस्रा स्थान हासिल करल रहे । बिजेता टिमहे नगद पुरस्कार फुटबल प्रथमहे रु.६०००/दुस्रा स्थान रु.४०००/ भलिबल ओर प्रथमहे रु.५०००/ दुस्रा स्थान रु.३०००/ ब्याटमिन्टन प्रथम रु.२०००/दुसरा स्थान रु.१०००/ राशीसे पुरस्कृत करल रहे जुनेली युवा क्लब।
मुख्य एम्पायरके भुमिका रमेश बोहरा करल रहित कलसे भलिबलमे भागिराम चौधरी मुख्य रेफ्री रहल रहित।
फाईनल खेलमे दर्शक खेलप्रेमी यूवाहुक्रनके सहभागिता रहल रहे । कार्यक्रमके संचालन काली चरण चाैधरी करल रहीत ।
