ठाकुरद्वारा १, चैत्र। बर्दिया जिल्लाको ठाकुरद्वारामा समुदायमा आधारित विपद जोखिम न्यूनीकरण तथा व्यवस्थापन सहजकर्ताहरुका लागी सहजीकरण तालीम बिहीबार सम्पन्न भएको छ।
सगोल कास्की पोखराको आयोजना तथा ख्रिष्ट्रीय एकता समाज कैलाली र बर्दियाको सहकार्यमा ठाकुरद्वाराको थारु होम रिसोर्टमा चार दिनसम्म चलेको थियो । समापन कार्यक्रममा बोल्दै कार्यक्रम प्रबन्धक राज कुमार रायमाझीले सगोलको काम कर्तब्य र उदेश्यको बारेमा, कार्यक्रम छनौटमा परेका कैलाली जिल्लाको कैलारी गाउपालिका र बर्दिया जिल्लाको बारबर्दिया नगरपालिकाको बिपदको अवश्थाको बारेमा साथै सहभागीहरुको जिज्ञासाको बारेमा स्पष्ट गर्नु भएको थियो भने तालिमको सहजीकरण तालीम स्रोत ब्यक्ति विजय सिंह ठकुरी र क्षमता विकाश अधिकृत हरी शरण अधिकारीले गर्नु भएको थियो । र सहभागीहरुलाई कार्यक्रम प्रबन्धक राज कुमार रायमाझी र तालिमको सहजीकरण तालीम स्रोत ब्यक्ति विजय सिंह ठकुरीले प्रमाणपत्र हस्तान्तरण गरेका थिए।
कैलालीका सहभागी बिनीता चौधरी, मोती राम चौधरी, बर्दियाका सहभागी प्रदीप राय र समा चौधरीले आफुले सिकेका विपद जोखिम न्यूनीकरण तथा व्यवस्थापनसंग सम्बन्धित कार्य तथा सिकेका कुराहरु आफ्नो समुदायिक जीवनसंग सम्बधित भएकोले समुदायमा सहयोग गर्ने प्रतिबद्धता ब्यक्त गरेका थिए। बिनीता चौधरी र रंजीता चौधरीले बिदाई गीत गाएको कार्यक्रममा बर्दियाका सहभागी दिल्ली राज चौधरीले सञ्चालन गरेका थिए।
विपद जोखिममा रहेका कैलाली र बर्दिया जिल्लाका विभिन्न गाउँपालिका नगरपालिकाका १८ जना सहभागीहरुको उपस्थिति रहेको कार्यक्रममा सगोलकै कैलाली जिल्ला सहजकर्ता रामसमझ चौधरी र बर्दिया जिल्ला सहजकर्ता टिक बहादुर थारू लगायटको उपस्थिति रहेको थियो साथै समापनको साँझ बेटहनी युवा क्लबद्वारा लट्ठी, झुम्रा नाच प्रस्तुत गरिएको थियो ।
