सृष्टि सावित्रा
त्यति सजिलै कहाँ मान्छु,हार म पनि
धेरै कुरामा पुर्याउछु, विचार म पनि
पर्दाफास नगरी छोड्दिन,तिम्रो झुटको
बरु बस्न तयार छु, कारागार म पनि
कस्को मुल्य कसरी, तोकिरहेको छ
हरेकदिन नियाल्छु, बजार म पनि
जिब्रो काटिदिन्छौ कि कलम भाँच्छौ मेरो ?
अन्याय विरुद्ध बोल्छु,बारम्बार म पनि
तिम्रो अस्तित्व जोगाउन,सम्झौता गरेकी हुँ !
नत्र लडेर लिन सक्छु, अधिकार म पनि
सृष्टि सावित्रा ✍️
