थारू भाषी कबिता: जन्निनके जाट

सन्देशदहित

यक बाँङ मुर्गा बोल्टिकी

गग्रीले कुँवक पानी भर उठक पर्ना

टक्रेङ्झेङ टक्रेङ्झेङ ढेँकिम ढान कुट उठक पर्ना

ढुस्मुस्ये बिहान हुइलसे

चुल्हि चौका बारक पर्ना

कसिन जन्निनक जाट

हरोइया हर जुवा

गोँई डाँगर

लैके निक्रलसे कल्वा मिन्झ्नी बनाइक पर्ना

यक ठेक्नेम गग्रीक पानी

कप्पारी भर्के भटौर

चिप्लुहुर डग्गर पाटीर मेर्वाउ

फेन

बर्का डुर खेट्वा

डिन भर ढुप्पन घामम

टर मुन्टा कैले ब्यार लगाय पर्ना

डिन भरिक सौंस्याटल जिउ

डिन भरिक डुटहा भाँरा बर्टन

हिला किचा लागल

लुगा कपरा ढुइक पर्ना

उप्परसे कोना भर्के छुटी लर्का

कबु बोँका बाँन्ढके

कबु क्वारम लैके

कबु बलहम सुटाक

कबु रुइटी छोर्क

कबु बिमार हुइना

कबु हेग्नी लग्ना

ठारु जुन्हुक हिरो असबहेंट्रे बहेँट्रे रहना

नै सेक्लसे फेन घरक ढन्ढा

जसिक फेन निम्जैहिक पर्नायी कसिन जन्निक जाट