– गणेश वर्तमान
जब रणभुमिम
चल भिरठ् गोली, बारुद
कुछ सिपाही पोजिसन लेठ
आपन ह बिस्राके
खालि डुस्मुनसे जिट्ना सोच्टि
गोटि असक घस्कटि
खेचुइह्या असक नेङ्टि
बघ्वा असक आपन ह नुकैटि
आग बहर्ठ
कुस सिपाही
चिल्हर्यसे बोक्वा पाइक डर
कुरकुटिम डप्कल चिङ्नि असक
बन्वम् डपक जिठ
जब हुँकनक सङ्घर्या अन्तिम सास लेटि
लराई जिट्लक ऐलान कर्ठिन
टब उ सिपाही
कुरकुटिमसे चिङ्नि निक्र असक
बन्वमसे निक्रठ
व
आपन ह विजेता घोषणा कर्ठ
