थारू भाषी लघु खिस्सा-ओड्रा

@गणेश वर्तमान

म्वार छावा सड्ड स्कुलसे अइटि कि कह लाग!”बाबा मुस्वक सिकार खिम!”स्याउ,सम्ट्वाला ट किन्ख लान्डिउँ!मुस्वा काहाँसे लान्डेना हो?साहा असक रलसेफे खेट्वमसे कोर्ख लान्डेटुँ!भख्खर कुवाँर लाग्टह!ढान पक्ल निरह!घरमक मुस जुन्हुँक छुछ्र्याइन गन्ढिठ कैख ओनाइल निरनहुँ!एकडिन ट खै का मन लग्लिस!आपन डाइकठे जाक”बाबा मुस्वा निआन्डिहट सम पह्र निजिम” कह लागल!आस्काल्हिक जसहँ छटक्या निरह टब !टब बुबक चाँसल बर्का ओड्रा लगाडेनु!सन्झ्याक सुटबेर!”बाबा मुस्वा बाहास जाइ ना आप?”कैएउ चो पुछल!ओहिँ सुफ्लाइक पठ बाहास जाइ कैडेनु! बिन्ह्या उठ्टि कि ओड्रा हेर्नाफे म्वार औसान निआइल!मै झर्नैह्यम पाहि झार चल्गिनु!मछ्छि नस्से बाझल रलह,नम्ठोँह्रि चराङकेल!मै घर पुग्ठु ट छावा चिल्ला चिल्ला रुइटह!”न ढङ्लाससे ओड्रा लगाक गिल रलहो जे!छाव नाङ्गर कराइक लाक!डक्टार लैजिनाफे एक पैसा निहो!”जन्नि आँस पोँस्टि कहटह!