सन्देश दहित जानकी गाउँपालिका २ खर्गौली,कैलाली
कैयो डाडु भैयनके बलिडान हुइल अढिकार खै ट?
हकके लाग लराई कर्ली ज्यान गँवाक निखार खै ट?
ठारुन हेप्टी रना सरकारके बनाइल बिमारी बनल
ठारुन्क हकके खाटीहँ चोखा डेना उपचार खै ट?
कैयो घर जरल टिकापुरम ठाउँ ठाउँ कर्या ढुवाँ उरे
ओह घटनम संलग्न रहल डोसिन कारागार खै ट?
हम्र ठारु ट खाली आपन पहिचान जो माँगल रहि
पुरुबसे पँच्छिउ सम्मके ठारुन्क अल्ग संसार खै ट?
डिन बिटल, मैन्ह बिटल, बिटल कैयो बरस हेरो
मने ठारु पहिचान संबिढानके पन्नम सुढार खै ट?
