-गणेश वर्तमान बर्दिया
बर्खम मच्चल पानिम भिज
आपन आङ्गम का मैल पुहाइ
जारम पस्कठे बेरिम बैस्क
भुजा भुस्क खैटि आगि टाप
आपनहन मैयाँ कर्ना मनैन
आपनसेफे ढिउर मैयाँ कर
बिन्पट्टक रिस लगिलसे
राहक आगि डम्कअस
रिस्साइ सिखल बाटुँ
हुँकनक बठा सिकार खाडेलसेफे
हुँकनक टठ्यक भाट अछ्नलसेफे
मलिक्वक जय होस् ।
म्वार बुबा,आज्या कहल हुहिँ
म्वार टठ्यक भाट अछ्नुइयन
पघ्घले बहानके
बर्का भठ्ठले पिट्के
आपन टठ्यक भाट
व
वाकर टठ्यक भाट
अछिनके खाइ सिखल बाटु।
टुँ काल आपन कुर्सीक लाक
म्वार बुक्रि जरिलो
म्वार आपन कना सक्कु
एक्ठो सुघ्घर संसार जरिलो
बरु काठि आगिहन डेख्के
काठि डम्क छ्वारठुई
टर
मै अप्न डमककेआगिहन बुटाइ ।
म्वार घर जरुइयक
घर जराइव आपन लाक लौव घर बनाई
सिखल बाटु!!
