कविता काव्य, हसुलिया। बिगत दुई बर्ष पहिलेसे किसानहुँकन प्रकृति छल कर्टी आइल बा पाकल धान घरेम भित्र्यैना समयमे बाह्र आके किसान ओइनके बिजोग पार्डेले बा । किसान ओइनके असिन समस्या टे पलिबटिन मने किसान हुँक्रे श्रमके उचित मोल नै पाके आउर मर्कामे परल बटैँ।
यी बरष कैलारीके किसान रु२२००/२००० रुप्या कुन्टल धान बेच्ना बाध्य हुइल बाट कैलारी ७ के किसान चन्द्र चाैधरी बटैलै। जब कि सरकारके टोकल मोल मोटा धानके रु २९६७ रुप्या क्विन्टल ओ मध्यम धानके रु ३१२८ रुप्या टोकल रहे मने जब किसान धान बेच्के सेक्ली टब खाध्य बवस्था तथा व्यापार कम्पनि खरिद प्रकृया सुरु करल गुनासाे कैलारी ५ के किसान लक्ष्मण चाैधरी करलैँ। उहाँ अागे कलै यी खरिद प्रक्रिया हमार कैलारीक किसान हुँकनके लाग हर्ष ना बिस्मात हुइल। ४० हजार क्विन्टल खरिद करे पर्नामे जम्मा ३० हजार क्विन्टल किल खरिद कर्ले बा । सरकारके कार्यक्रम टे मजा रहठ मने जनता कृषक कबु फेन लाभान्वित नै हुइठैँ। आखिर काहे? सारा दुनियँक पेट पलुइया किसानकेलग के सोच डि? किसान हुँक्रे धान बालिम टे घाटा बेहोर्लैँ अब्बे गोहुँ तयार हुइटी बा।खुला पशु चौपाया हुकनसे गोहुँ बचैना लिरौसी नै हुइन ।रातभर जागके फेन गोहुँ बचाइ नै सेकल यहाँक स्थानिय बैजपुरके अघरिया लक्ष्ाण चौधरी बटैलैँ।बलटुलके गोहुँ बचि कलेसे फेन उचित भाउ मिलिकी नै कना यहाँक किसान ओइनके चिन्ता बाटिन। गोँहुम उचित मोल मिल्ना नै मिल्ना टे अभिन हेर्ना बाँकी बा।
अाजकाल पालिकामे हिउँदे अधिबेशन चलता । जनतनके चुनल प्रतिनिधि हुँक्रे जनतनके लाग कुछ कर्ठैँ कि नै उटे हेर्ना बाँकी बा।कहटी यहाँके किसान हुँक्रे आस लग्टिक गुनासो कर्ठैँ।
कैलारीमे खरिद डिपो खुली कलेसे यहाँके जनतन प्रत्यक्ष लाभ हुइ कना बाट चाैधरी व्यक्त करलै। उहाँ अागे कलै कैलारीमे खरिद डिपो खुले कना यहाँक जनतनके माग हो। कैलारीके ९५ प्रतिशत किसान बटैँ ।स्थानीय सरकार जनतन्के सरोकार रख्ना कर्तव्य हुइस । यदि अब्बेके परिप्रेक्षमे स्थानिय सरकार किसान हुँकनके लाग कुछु नै करि कलेसे स्थानिय सरकारके कोइ औचित्य नै हुइस। यहाँके किसान ढुवानी कर्के धनगढी, टिकापुर ,भजनि ,जोशिपुर लैजाइ सेक्ना बाटे नै हो । टब मारे कैलारी गापाके केन्द्र स्थानमे खरिद डिपो खुले कना यहाँक जनतन्के माग हो ।
