@गणेश वर्तमान
टुहाँर कानम अठुुुइया लग्लक टुँ पट निपैबो
धानक घानम् गल्बिर्टि ख्यालबेर
पैँरक गोन्ड्रिम् पस्रबेर
या भेैँसक म बैस्क घोर्वक म सहुर्लक सप्नाइबेर।
सन्झ्या कान खुन्जाइ
राट्क कानक् जर बठाइ
टब टुँ सोच्बो “महि का हुइल?”
मै भचिक टुहाँर जस्ट निहुँ
कान खुुन्जिनासे आग
राट्क कानक जर बठिनासे आग
धानक निनिख्रल घानम् फन्कनासे आग
मै डस्चो सोस्ठुँ
उहमार म्वार कानम् अठुुइ निलग्ठ।
पैल्ह मालि डाँइबेर पसन्के आँगम्से घानम् खस्क
मनैन्हँक म सिल्गना अठुइ
आस्काल ड्यासभर सिल्गल बा।
अड्डा अदालत म
सरकारक मन्त्रालयम
व संसद मफे
अठुइया छिरल बा।
अदालतहन डौरिना न्यायक घोरिक
अठुइया रकट चुुस्क सुखाडिहेल बा।
सरकारहन डौरिना मन्त्रालयक घोरिक
अठुइया रकट चुुस्क सुखाडिहेल बा।
ड्यासके निति नेम बनिना संसदके घोरिक
अठुुुइया रकट चुुस्क सुखाडिहेल बा।
उहमार
हमा अदालत,सरकार,संसद
हड्डि निरहल मनैयाँअस हुइल बा।
मै एक्ठो अभियान म लागल बाटुँ
खोस् खोस् अठुुइ मुइना।
