Advertisements
अंकर अन्जान यात्री
फरफरैटी उर्टी रहना, गटिया देखेक् सिहिनी हुइल।
गटियासंगे बन्वम् उठ्ना छटिया देखेक् सिहिनी हुइल।
कठ्वक् मच्वा कठ्वक् पाटी, हेरटी सुहावन लग्ना,
सुतेबेर फे मजा लग्ना,खटिया देखेक् सिहिनी हुइल ।
बर्खामन् घामपानीसे बचेकलाग, कमैयंक् उ बनैना ,
छत्री बिन्ना महोरैनके, पटिया देखेक् सिहिनी हुइल ।
हेल्का डिल्या खोंङ्घ्या लैके,मच्छी मारे जैना हमार,
भरिभराउ रहल पानीक्,चटिया देखेक् सिहिनी हुइल ।
भोज करेबेल चन्डोल लैके डुल्ही लेहे जैना हमार,
डग्गर छप्ले नेंङ्गना बरटिया देखेक् सिहिनी हुइल।
