एच एम परिश्रमी
हमार बस्टिके हमार पहिचान के मेटाइटा जन्ले बटो ?
न कहठ न पुंछठ बस रङ्गमे रङ्ग मिलाइटा जन्ले बटो ?
नाउं निसान मेटाडी हमार जरेसे पकरले बा हमहिन !
घल्ना लुग्गा बोली बडल डेहल इ हेराइटा जन्ले बटो ?
नाच गान गिटबांस संस्कृटि इहे हमार पुर्खा पुरनिया !
डिन डिने इ गाउँ बस्टी फुस्सर बिल्गाइटा जन्ले बटो ?
के चिन्ही हमहिन काल ऐना हमार पिढिन के सिखाइ ?
शिशिक हिङ्ग उरगिल शिशीहे के ठठाइटा जन्ले बटो ?
राह रंगी टरटिहुवार गर्व करि ओ बचाइ इहिहे जाटसे !
मन्डरा कस्टार ढफला फोर्के का बजाइटा जन्ले बटो ?
