डाई छाव उठइटी”अर उठ हाली छावा ढुर्या ज्वाँट जिना कहटल्हस् जे त्वार बाबा बड्का खेत्व म,मै कलुवा लेक अईम्” छावा गुडरी अोहर्टी कहट” मै निस्याकम री डाई काल कोडरा खेलैलक सारा देह बठाईता” ऊ निंदाइल भेगम सुत्जाइट। अरी उठईल्या छाव हँ? मै नि सेक्ठु टुहार ढङ्ग्रा छाव ह उठाई। “सस्री एकठो छाव फे उठाई नि सेक्जिना त्वार जिन्दगी ” बाबा छाव हँ उठाइ पुग्जिठ” छावा र छावा उठ हाली काजे बात निमन्टो र! अौर घरक् लड्कनके गु खा अैहो। कर लगाइक पर्ना। हमार ट जिन्दगी वरागिल। कर्बो ट अापन ला काहुँ, नि कर्बो ट अापन ला। असिक अल्छी कर्बो त खेती कसिक उस्री।” अटरा बात बाबक् सुन्क छावा अैठिर गुईठीर कर्टी बल्ल पठरी मसे उठत्।छावा व बाबा एक गुइर भैसा व एक गुइर बर्धा लेक खेत्वा ज्वाँट जैठ।एक अट्रा फे नि वराइल रहट् छावा कहट्” बाबा एकदम हेगास् लागता, मै ह्याग जाइटु ना।” बाबा कठ,” हाँ हाँ हाली अाइस् ट अाज यी खेत्वा जोत्क सेक्ना बा।” छावा एकदम हेगासल् हस् कुल्ववर् जाइट् ,हेग्ना बहानाम छावा नै हेग्क बाबक् अाँखी छल्क ,ऊ ढुक्ल ढुक्ल संघरियन्के घरम जाँड पिए व तास ख्याल पुग्जाइत्।
