प्रविन चाैधरी। पवेरा १२ मंसिर ।
थारू समुदायमे कोई फेर मुवल बेला पुरूषन संगे जननी मनैय मलामी जईना चलन अभिन सम प्राय: नै हो । चाहे मुवैयक खुदके जननी या अविबाहित छाई रहे । थारू समाजमे अभीन सम दाई-बाबा हे मुवल बेला चितामे आगी लगैना कलेक छावन करटी आईल देख परठ । छावन किल दाई-बाबाहे आगी देहठ कना बाट अब नै रह्गैल । यकर एक उदाहण हो कैलाली जिल्लाके कैलारी गाउँपालिका-५ वडा बैजपुर गाउँके १९ बर्षके बरकी छाई निशा निशा थारू ओ छुटकी छाई अमीशा थारू अपन स्वर्गीय बाबाहे दाहसस्कर आगी देहले बटै । बैजपुर गाउँक भल्मन्साके अनुसार कैलारी गाउँपालिकामे पहिल चोटी छाई अपन बाबइहे आगी देहल घटना हुई सेकी । आब २१ औ सताब्दीमे छावा छाई बराबर हुईटै कना बाट स्पष्ट कामसे हुइल बा ।
स्वर्गीय प्रदीप थारू (३४) के उमेर मंसिर ११ गते आसमाहिक निधन हुइल रहीन । वहाक दुईठो छाई ओ गोसिन्या किल बटीन । मृतक मेडिकल संचालन करके बीमारीनके सेवा करती आईल रहित । वहाँके निधन से बैजपुर गाउँ लगायत आसपासके दुःख बेमारीन हे बहुत क्षति हुइल बा ।
