चितवन २८ माघ । राष्ट्रिय थारु कलाकार मञ्चको पहिलो महाधिवेशनबाट अध्यक्षमा बिरबहादुर चौधरी (विनय वैद्य) सर्वसम्मत चयन भएका छन् ।
शनिबारबाट सौराहामा सुरु भएको अधिवेशनले अध्यक्ष चौधरी सहित १७ सदस्यीय कार्यसमिति पनि सर्वसम्मत चयन भएका हुन् । कार्यसमितिको अन्य पदाधिकारीहरुमा क्रमशः वरिष्ठ उपाध्यक्ष रोशन रत्गैंया चौधरी (दाङ), उपाध्यक्षमा लक्ष्मीकान्त चौधरी (बारा) र समिक्षा चौधरी(कैलाली), महासचिवमा बिजय कुमार चौधरी, (सप्तरी) सचिवमा राधा कृष्ण (आरके) चौधरी (बर्दिया) र अनुमा चौधरी(उदयपुर), कोषाध्यक्षमा अन्जु चौधरी (काठमाण्डौं) चयन भएका छन् ।
त्यसैगरि सदस्यहरुमा क्रमशः राज कुश्मी(बर्दिया), सोनु कुश्मी(कैलाली), मनिष चौधरी(सिरहा), अमृता चौधरी(बाँके), नरेश जोगी(कैलाली), बिरबहादुर चौधरी(कैलाली), अन्जु चौधरी(कैलाली), गणेश चौधरी(रुपन्देही) र राजन कुमार चौधरी(रौतहट) चयन भएका छन् ।
महाधिवेशनको भुमि व्यवस्था सहकारी तथा गरिबी निवारण मन्त्री रञ्जिता श्रेष्ठले उद्घाटन गरेकी थिइन् । नवनिर्वाचित अध्यक्ष चौधरीका अनुसार मञ्चको २६ जिल्लामा कार्य समिति गठन भएको छ ।
महाधिवेशनका लागि संगठन विस्तार भएका जिल्लाबाट पाँचजना प्रतिनिधि र एक जना पर्यवेक्षक सहभागी रहेको उनले बताए । पाँच वर्षअघि गठन भएको मञ्चले संगठन बिस्तार गर्नुका साथै नेतृत्व विकास, थारु भाषा, कला र संस्कृतिको संरक्षण, संवर्द्धन गर्न र थार समुदायमा रहेको प्राचीन सम्पदा जोगाउन पनि सक्रिय रहेको उनले बताए ।
