हसुलिया, ०९। कैलाली जिल्लाके कैलारी गाउँपालिका ५नं.वडाके लावा मनिकापुरमे आज सामुहिक खोज्निबोज्नि भुरा खेल निम्जल बा।
सामुहिक भुरा खेलसे भल्मन्साके रुपमे जगनलाल थारु,अधरियामे दिपक थारु सचिबमे महिला से अस्पती थारु सर्बसहमतीसे भल्भन्सा,अधरिया,व सचिबमे चयन हुईल बटै। पुरान पदाधिकारीहुक्रहनहे स-सम्मान बिदाई कर्टी लावा व्यक्तिनहे यी सालके गाउँक जिम्मेवारी देहले बटी कहिके `गाउँके स्थानिय युवा करन थारु बटैलै`।
मनिकापुरके भुरा खेलमे साल भरिक कामके समीक्षा कर्नाके संगे बार्षिक आय/ब्यय समेत सुना गिल रहे। गाउँक अम्दानी ओर रु.२,१४,७७०/ बार्षिक खर्च ओर रु.८७,८८५/जम्मा बचत रु.१,२६,८८५ रुपियाँ `गाउक कोषमे बा कहिके युवा थारु´ कहलै।
थारु गाउँ बस्तिमे माघ महिनाहे आर्थिक बर्ष ओ नयाँ साल मनैलक ओरसे यी माघ महिनाभर सक्कु थारु गाउँ बस्तिमे नेतृत्च चुन्ना करर्ठै। मजा काम गाउँके बिकास करल पुराने नेतृत्वहे मजा कामके प्रशंसा कर्टी दुबारा/टिब्बारा गाउँ खेलैना अबसर मिल्ठीन । भल्मन्सा,अधरिया,सचिब गाउँके सबसे भारी रहठै। कौनो फेन गाउँमे आइपरल समस्याके निकास,ओर गाउँके बिकासप्रति सामुहिक रुपमे हल करठै।
