सन्देश दहित जानकी गाउँपालिका-२, खर्गौली
बिचारी संस्कृटी
माठम टिक्ली नैहुइटिन
नाकम नठ्नी नैहुइटिन
कानम झुमका नैहुइटिन
घ्याँचम कनसेहरि नैहुइटिन
हाँठम कारा टर्या नैहुइटिन
ग्वारम पायल बिच्छ्या नैहुइटिन
बिचारी संस्कृटी
मँडरा डफके सट्टम डिजे बजैला
पुट्ठम छल्कौवा ढोटी छोर्क जिन्स पैन्टर लगैला
आँगम लेहंगा चोलिया छोर्क बिडेसी पहिरान रोज्ला
आपन रिटि संस्कृटी भुलैला
आनक पकर्ला
ओह मारसे
फुरसे आज नस्से रुइठी
बिचारी संस्कृटी
बर्को सुहावन सजना
बर्खक सिजनम बर्को सुहावन
झुम्रा हुर्डङ्ग्वा गुर्ही डस्या
डेवारिम डिननच्वा
जुरार पर्टी किल माँगर ढामार
मघौटा जसिन नाच
मने
आज यी आढुनिक समाज नोच डर्लिन
चीँठ डर्लिन सारा इज्जट लुट डर्लिन
चिल्लैली गोहरैली छटपटिली
मने
आखिर कोइ नि सुनल चिट्कार
हुकन ओह मारसे
अन्टिमम सक्कुनके घर, अंगना, ड्वार,मन मस्टिस्कसे बिडा लेहली
बिचारी संस्कृटी
बहुट मजा कविटा सर जि